Udan
Edan
Tembang Sekar Macapat Asmaradana
(Kyai Rasajati)
Rasa
suka dèn watesi
Mekak
hawa aywa ngrebda
Sesukan
mung sakadaré
Gampang
gumun siningkiran
Jer
kabèh mung sandhangan
Datan
langgeng wontenipun
Abyor
sakedhap gya muspra
Eseme ron jati pinggir kali
sansaya kecut
Merga,
ricik udan wiwit sasi iki
Tan kena diselani
Tan kena diselaki
Ah…Aku wegah
Aku emoh yen lakumu terus kaya ngene,
Dan udan!
Delengen kae
wasista mung ngguwa aneng kamar
taruna uga ora kersa
kekenjer nang njaba
pijer ngemuli ati
nglumut nang pinggir bale
fesbuk lan twiteran bae
Lamun tan waskithèng
kalbi
Rasanta gampil kagodha
Kayungyun ing kasukané
Kapéncut myang kapiluyu
Éndah-èdining dursila
lha kae
bocah-bocah cilik ndhelik
aneng ngarepan tipi
nyawang kapang polah tingkahe
tumama gebyar sadawaning wengi
tuntung nang ati
mung
gandhik
likak-likik
ngobahke jempol
prigel dolanan manca
kang sitik ngobahake raga
sitik migunakake pikir
banjur
lali sadengah ukara santi
lali japa mantra suci
apamaneh bentik lan jamuran
girase dolanan betengan bae
mung kari jenengan
ron jati pinggir kali
sansaya cuwa
Merga,
ricik udan modernisasi
Tan kena diselani
Tan kena diselaki
Begja
janma kang patitis
Ngrucat
pepénginanira
Sirik
nerak sarak siré
Tanggap
lamun samudaya
Tan
langgeng ing kahana
Sawatara
pan wus kukut
Gung kasukan
sakeplasan
0 komentar:
Post a Comment